രാമപുരം: സർവ്വീസ് സഹകരണ ബാങ്കിൽ നിന്ന് സ്വയം വിരമിക്കുന്ന മികച്ച സഹകരണ ജീവനക്കാരനും പൊതുപ്രവർത്തകനുമായ  പുഴക്കാട്ടിരിയിലെ ഉമ്മർ ചൂരിപ്പുറത്തിന് ഭരണസമിതിയും സഹപ്രവർത്തകരും യാത്രയയപ്പ് നൽകി . മുസ്ലിം യൂത്ത് ലീഗ് നേതാവും സാമൂഹ്യ ജീവകാരുണ്യ മത, സാമൂഹിക ,സാംസ്കാരിക ,വിദ്യാഭ്യാസ രംഗങ്ങളിലും സജീവമായിരുന്ന ഉമ്മർ ചൂരിപ്പുറത്ത് കുറച്ചുകാലമായി ബാങ്കിലെ ജീവനക്കാരനായിരുന്നു. ഇടവേളയിൽ പ്രവാസിയുമായിട്ടുണ്ട് . ബാങ്കിന്റെ ഭരണസമിതിയിൽ ഡയറക്ടറായിട്ടും പ്രവർത്തിച്ചിട്ടുണ്ട്  , പാതിരമണ്ണ എൽപി സ്കൂളിന്റെ പിടിഎ പ്രസിഡന്റായും പ്രവർത്തിച്ചിട്ടുണ്ട് .കഴിഞ്ഞ ദിവസമാണ് സ്വയം വിരമിക്കലിന് തയ്യാറായി ബാങ്ക് ഭരണസമിതിക്ക് കത്ത് നൽകിയത് . ബാങ്ക് പ്രസിഡന്റ് അസീസ് പേങ്ങാട്ട് അധ്യക്ഷനായ യാത്രയയപ്പ് ചടങ്ങിൽ ഭരണസമിതി അംഗങ്ങളും ബാങ്ക് സെക്രട്ടറി ഉൾപ്പെടെയുള്ള ജീവനക്കാരും പങ്കെടുത്തു.

റിപ്പോർട്ട്: ഷമീർ രാമപുരം