മലപ്പുറം : ഒഴൂർ പഞ്ചായത്തിലെ 16-ാം വാർഡിൽ മന്ത്രിയും എം.എൽ.എയുമായ വി.അബ്ദുറഹ്മാന്റെ ആസ്തി വികസന ഫണ്ടിൽ നിന്നും 20 ലക്ഷം രൂപ അനുവദിച്ച് കോൺക്രീറ്റ് ചെയ്ത ചുരങ്ങര- ഹാജിപ്പടി റോഡ് (വി.കെ. അബ്ദുൽ റസാഖ് സ്മാരക റോഡ്) കായിക മന്ത്രി വി. അബ്ദുറഹ്മാൻ ഉദ്ഘാടനം ചെയ്തു. എം.പി ചാത്തപ്പൻ അധ്യക്ഷത വഹിച്ചു. ഒഴൂർ ഗ്രാമ പഞ്ചായത്ത് സ്റ്റാന്റിങ് കമ്മിറ്റി ചെയർമാൻ അസ്കർ കോറാട് , പഞ്ചായത്ത് അംഗങ്ങളായ പ്രമീള മാമ്പറ്റയിൽ, മൂസക്കുട്ടി, നോവൽ മുഹമ്മദ്, കെ.ടി.എസ് ബാബു, എന്നിവർ സംബന്ധിച്ചു. സി.കെ. ശിഹാബ് മാസ്റ്റർ സ്വാഗതവും ടി.യാസിൻ നന്ദിയും പറഞ്ഞു.