തിരുവനന്തപുരം : സംസ്ഥാന രാഷ്ട്രീയത്തിൽ നിർണായക മാറ്റങ്ങൾക്ക് വഴിയൊരുക്കി സിപിഎം നേതാവും മുൻ മുഖ്യമന്ത്രിയുമായ പിണറായി  വിജയനെ നിയമസഭയിലെ പ്രതിപക്ഷ നേതാവായി എൽ.ഡി.എഫ് പാർലമെന്ററി പാർട്ടി ഏകകണ്ഠേന തെരഞ്ഞെടുത്തു. തിരുവനന്തപുരം ചേർന്ന എൽ.ഡി.എഫ് യോഗത്തിലാണ് തീരുമാനം ഔദ്യോഗികമായി പ്രഖ്യാപിച്ചത്.

ദീർഘകാല ഭരണപരിചയവും സംഘടനാ മികവും പരിഗണിച്ചാണ് പിണറായി വിജയനെ പ്രതിപക്ഷ നേതൃസ്ഥാനത്തേക്ക് തിരഞ്ഞെടുത്തതെന്ന് നേതാക്കൾ വ്യക്തമാക്കി. ജനകീയ വിഷയങ്ങളിൽ ശക്തമായ നിലപാടുകളും സർക്കാരിന്റെ പ്രവർത്തനങ്ങളെ കർശനമായി നിരീക്ഷിക്കുന്ന ഉത്തരവാദിത്വപരമായ പ്രതിപക്ഷ പ്രവർത്തനവുമാകും ഇനി നിയമസഭയിൽ എൽ.ഡി.എഫ് കാഴ്ചവെയ്ക്കുകയെന്ന് അദ്ദേഹം പ്രതികരിച്ചു.

“ജനങ്ങളുടെ ശബ്ദമായി സഭയ്ക്കകത്തും പുറത്തും ശക്തമായി ഇടപെടും. സംസ്ഥാനത്തിന്റെ വികസനവും ജനക്ഷേമവുമാണ് എൽ.ഡി.എഫിന്റെ പ്രധാന ലക്ഷ്യം,” എന്ന് പിണറായി വിജയൻ മാധ്യമങ്ങളോട് പറഞ്ഞു. രാഷ്ട്രീയ രംഗത്ത് പുതിയ അധ്യായത്തിന് തുടക്കമാകുന്ന തീരുമാനമായാണ് വിലയിരുത്തൽ.