തിരൂരങ്ങാടി : ഭിന്ന ശേഷി മേഖലയിൽ കഴിഞ്ഞ 16 വർഷത്തിലേറെക്കാലമായി സേവനം അനുഷ്‌ഠിച്ചു വരുന്ന മഞ്ജു എൻ.നായരെ സിഗ്നേച്ചർ ഭിന്നശേഷി ശാക്തീകരണ വേദി ആദരിച്ചു. സിഗ്നേച്ചർ ഭിന്നശേഷി ശാക്തീകരണ വേദിയും പി.എസ്.എം.ഓ കോളേജ് എൻ.എസ്.എസ് യൂണിറ്റും സംയുക്തമായി സംഘടിപ്പിച്ച പത്മശ്രീ കെ.വി. റാബിയ സ്മാരക പുരസ്‌കാര സമർപ്പണവും ഭിന്നശേഷി സംഗമവും നടന്ന വേദിയിൽ വെച്ചായിരുന്നു ആദരിക്കൽ ചടങ്ങു നടന്നത്.  16 വർഷത്തിലേറെയായി ചെമ്മാട് സന്മനസ്സ് റോഡിൽ ചെമ്മാട് ഹിയറിങ് കെയർ ആൻഡ് സ്പീച് തെറാപ്പി സെന്റർ എന്ന സ്ഥാപനം നടത്തിവരുകയാണ് സീനിയർ ഓഡിയോളോജിസ്റ്റ് ആയ മഞ്ജു. എൻ.നായർ.